YUNUS EMRE ŞİİRLERİNDE TAPDUK EMRE 

 Vardugumuz illere şol safâ gönüllere Baba Tapduk ma‘nîsin saçduk el-hamdüli'llâh 

 *** Tapdug'un tapusında kul olduk kapusında Yûnus miskîn çigidük bişdük el-hamdüli'llâh 

 *** ‘Işk sultânı Tapduk durur Yûnus gedâ bu kapuda Gedâlara lutf eylemek hem kâ'idedür sultâna 

 *** Miskîn Yûnus var dek otur yüzüni Hazret'e götür Tapduklayın bir er getür hîç cihâna gelmez ola 

 *** Yine esridi Yûnus Tapduk yüzin görelden Meger anun gönlinden bir cur'a şerbet içdi 

 *** Yûnus sen Tapduk'a kılgıl du‘âlar ‘Âşıklar meydânı ‘Arş'dan uludur 

 *** Yûnus Emrem iş bu sözi cân içinde söyledi Söyleyen bî-çâre Yûnus Tapduk Emrem sırrıdur

 *** Sorun Tapduklu Yûnus'a bu dünyeden ne anladı Bu dünyenün karârı yok sen neyimiş ben neyimiş *** Saga sola bakmadın hoş söyler Tapduk Yûnus Ol gerçege ‘âşıklar küllî sagdur sol degül 

 *** Yûnus bir toganıdı kondı Tapduk kolına Ava şikâre geldi bu yuva kuşı degül 

 *** Tapduk diyem cümle dile inanmışam degme kula Yûnus dahı hod kim ola bu sözleri diyen benem *** Tapduk eydür bu Yûnus'a bu ‘ışk Hakk'a irse gerek Kamulardan ol yücedür ben ana niçe ireyin